Арга хэмжээ, хурал чуулган
Ажилд авна2023-10-11

  Байгууллагын албан хэрэг хөтлөлт, архивийн үйл ажиллагаагзаавар, стандартын дагуу хөтлөн явуулах,төвийн өдөр тутмын ажлын зохион байгуулалтыг хангах архив, бичиг хэргийн ажилтан сонгон шалгаруулж ажилд авна. Материалыг 2023 оны 10 дугаар сарын 26-ны дотор ccrccmongolia@gmail.com хаягаар ирүүлнэ үү

Монгол Улсын Ерөнхий сайдын 2023 оны 5 дугаар сарын 03 - ны өдрийн 81 дугаартай захирамжаар Одончимэдийн Одбаярыг Уур амьсгалын өөрчлөлтийн асуудал хариуцсан тусгай элчээр томиллоо.2023-9-15

Монгол Улсын Ерөнхий сайдын 2023 оны 5 дугаар сарын 03 - ны өдрийн 81 дугаартай захирамжаар Одончимэдийн Одбаярыг Уур амьсгалын өөрчлөлтийн асуудал хариуцсан тусгай элчээр томиллоо.  Ноён О.Одбаяр нь: 1997-2000 онд “Отгонтэнгэр” Их Сургуульд суралцаж, эрх зүйн мэргэжил эзэмшсэн 1984-1988 он Украйн Улсын Киев хотын Багшийн Их Сургуульд суралцаж, боловсролын мэргэжил эзэмшсэн, Монгол Улсын Магистр зэрэгтэй 1974-1984 онд 10 жилийн 13 дугаар дунд сургуульд суралцсан.  1996-1997 онд АНУ-ын Флоридагийн Техникийн Их Сургуульд эдийн засгийн чиглэлээр суралцсан 2017-2018 он АНУ-ын Бостон хотын Харвардын Их Сургуульд Бизнесийн удирдлагын чиглэлээр суралцсан 2019 онд Лондонгийн Оксфортын их сургуулийн Байгалийн баялгын засаглалын чиглэлээр суралцсан Ажлын дадлага, туршлага: 2017 оноос Ард Санхүүгийн нэгдлийн ТУЗ-ийн гишүүн 2018 оноос Ард кредит ХХК ТУЗ-ийн гишүүн 2021 оноос Ард даатгал ХХК ТУЗ-ийн дарга 2018 2020 “Таван толгой түлш” ХХК ТУЗ-ийн гишүүн 2016-2019 онд “Эрдэнэс Монгол” ХХК-ийн Стратеги төлөвлөлт эрхэлсэн Дэд захирал, 2016-2018 онд “Эрдэнэс Стийл” ХХК, 2016-2020 онд “Шивээ-Овоо” ХК-ийн ТУЗ-ийн дарга, 2016-2020 онд “Гашуун Сухайт Автозам” ХХК ТУЗ-ийн гишүүн 2016-2020 онд “Бадрах Энержи” ХХК-ийн ТУЗ-ийн гишүүн 2012-2016 онд “Чингис Хаан зочид буудал цогцолбор” ХХК-ийн Гүйцэтгэх захирал, 2012-2016 “Алтай Холдинг” ХХК-ийн Дэд ерөнхийлөгч 2010-2012 онд Монгол Улсын Ерөнхий сайдын зөвлөх 2005-2010 онд Монгол Улсаас БНХАУ-д суугаа ЭСЯ-ны Атташе, Гуравдугаар нарийн бичгийн дарга 2002-2004 онд “МИАТ” ХК-ийн Бээжин дэх төлөөлөгч 2000-2002 онд Монгол-Хятадын хамтарсан “Си Эм Эйч” төрийн өмчит компанийн монголын талын Гүйцэтгэх захирал О.Одбаяр нь Төрийн өмчит Эрдэнэс Монгол ХХК-ний Стратеги төлөвлөлт эрхэлсэн Дэд захирлын албыг хашсан бөгөөд томоохон төрийн өмчит аж ахуйн нэгж, стратегийн ач холбогдол бүхий ордуудыг эдийн засгийн эргэлтэнд оруулах, байгалийн баялагийг олборлох, боловсруулах, хөрөнгө оруулалт, дэд бүтцийн төслүүдийг удирдан түүний үр өгөөжийг баялгийн сангаар дамжуулан Монгол улсын нийт ард иргэдийн хөгжил дэвшилд зориулахаар ажилласан туршлагатай. "Мөн МУ-н Байгаль Орчин, Аялал жуулчлалын сайдын орон тооны зөвлөх бөгөөд сайдын зөвлөлийн гишүүнээр ажиллаж байна

''УУР АМЬСГАЛЫН ӨӨРЧЛӨЛТИЙН СУДАЛГАА ,ХАМТЫН АЖИЛЛАГААНЫ ТӨВ'' ТӨҮГ-ЫН ЗАХИРЛЫН СОНГОН ШАЛГАРУУЛАЛТЫН ЗАР2023-9-13

“УУР АМЬСГАЛЫН ӨӨРЧЛӨЛТИЙН СУДАЛГАА, ХАМТЫН АЖИЛЛАГААНЫ ТӨВ” ТӨҮГ-ЫН ЗАХИРЛЫН СОНГОН ШАЛГАРУУЛАЛТЫН ЗАР   Төрийн хэмнэлтийн тухай хуулийн 20 дугаар зүйлийн 20.2 дахь заалт, “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ын дүрмийн 6 дугаар зүйлийн 6.2 дахь заалт , Төрийн өмчийн бодлого, зохицуулалтын газрын даргын 2023 оны 08  дугаар сарын 23-ны өдрийн “Ажлын хэсэг байгуулах тухай” А/65 дугаар тушаалын 2 дахь заалтыг тус тус  үндэслэн “Уур амьсгалын өөрчлөлтийн судалгаа, хамтын ажиллагааны төв” төрийн өмчит үйлдвэрийн газрын захирлын албан тушаалын сонгон шалгаруулалтыг зарлаж байна.   1. Албан тушаалд тавигдах шаардлага:    1.1. Нийтлэг шаардлага:  • Монгол Улсын иргэн байх; • Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй; • Сэтгэцийн өвчин, эмгэггүй; • Хуулийн дагуу цэргийн жинхэнэ алба хаах үүрэг хүлээсэн иргэн үүргээ биелүүлсэн байх; • Англи хэлний бичгийн болон ярианы ахисан түвшний мэдлэгтэй байх; • Албан тушаалын тодорхойлолтод заасан шаардлагыг бүрэн хангасан байх; • Энэхүү зард тавигдсан “Албан тушаалын тодорхойлолт”-д дурдсан тусгай болон нийтлэг шаардлагатай тус тус танилцсан байх. 1.2. Тусгай шаардлага:    Албан тушаалд тавигдах тусгай шаардлагыг Төрийн өмчийн бодлого, зохицуулалтын газрын даргын 2023 оны 08 дугаар сарын 23-ны өдрийн “Албан тушаалын тодорхойлолт батлах тухай” А/65 дугаартай тушаалын хавсралтаар баталсан тодорхойлолт /хүснэгт 1/-ыг үндэслэж байна. Үүнд:     “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ын захирлын албан тушаалд тавигдах тусгай шаардлага /хүснэгт 1/ Боловсрол Бакалавр ба түүнээс дээш боловсролын зэрэгтэй. Мэргэжил - Эрх зүй /0421/; - Төрийн удирдлага /041301/; - Менежмент ба удирдахуй /0413/; - Нягтлан бодох бүртгэл /0411/; - Хүрээлэн буй орчныг хамгаалах технологи /0712/ - Байгаль орчин /0522/ - Хүрээлэн буй орчны шинжлэх ухаан /0521/ - Олон улсын харилцаа /031202/ Мэргэшил Төр, бизнесийн удирдлага, Уур амьсгалын өөрчлөлтийн чиглэлээр мэргэшсэн байна. Туршлага Аль нэг хуулийн этгээд буюу түүний салбар нэгжийн удирдах албан тушаалд 2-оос доошгүй жил ажилласан, удирдан зохион байгуулах ажлын туршлагатай, салбарын байгууллагад мэргэжлээрээ 5-аас доошгүй жил ажилласан байх. 1.2.1. Тухайн нэр дэвшигч нь “Уур амьсгалын өөрчлөлтийн судалгаа, хамтын ажиллагааны төв” төрийн өмчит үйлдвэрийн газрын захирлын үүргийг гүйцэтгэхэд шаардагдах ур чадвар, мэдлэг боловсрол, ажлын туршлагатай байх. 1.2.2. Тухайн нэр дэвшигч нь “Уур амьсгалын өөрчлөлтийн судалгаа, хамтын ажиллагааны төв” төрийн өмчит үйлдвэрийн газрын захирал байхад ашиг сонирхол үүсгэхгүй байх. 1.2.3. Нэр дэвшигч нь уур амьсгалын өөрчлөлтийн чиглэлээр олон улсын төсөл хөтөлбөрүүдийг удирдан амжилттай хэрэгжүүлж байсан ажлын туршлага, уур амьсгалын өөрчлөлтийн нарийн мэргэшлийн диплом, компанийн засаглалын гэрчилгээтэй бол давуу тал болно.    2. Бүрдүүлэх материал:   2.1. Сонгон шалгаруулалтад оролцох тухай нэр дэвшигчийн хүсэлт (сонгон шалгаруулалтад оролцох хүсэлтээ тодорхой бичих);   2.2. Анкет (төрийн албан хаагчийн анкетыг бүрэн бөглөх, 4 х 6 хэмжээтэй цээж зураг заавал наасан байх);   2.3. Ажил байдлын тодорхойлолт (ажил эрхэлдэг иргэн байгууллагаасаа тодорхойлолт авах, ажил эрхэлдэггүй иргэн өөрийн хийж гүйцэтгэсэн ажлын талаарх мэдээлэл);   2.4. Нийгмийн даатгал төлсөн талаарх тодорхойлолт /e-mongolia цахим хуудаснаас татан авах/;   2.5. Боловсролын түвшнийг тодорхойлсон баримт бичиг /диплом/, хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг болон бусад сургалт, семинарт хамрагдсан гэрчилгээ, сертификатын хуулбар;   2.6. Иргэний үнэмлэхийн хуулбар;     2.7. Иргэний эрүүгийн хариуцлага хүлээж байсан эсэх тухай тодорхойлолт /e-mongolia цахим хуудаснаас татан авах/.   2.8. Нэр дэвшигчийн зүгээс “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ыг урт, дунд хугацаанд хөгжүүлэх төлөвлөгөө, зорилго, зорилтын талаарх 2000-с доошгүй үгтэй танилцуулга бичиж ирүүлнэ. Танилцуулах илтгэлийн цахим PPT хувийг энэхүү зард заагдсан цахим шуудангийн хаягаар урьдчилан ирүүлсэн байна.     3. Сонгон шалгаруулалт          Сонгон шалгаруулалтыг 2 үе шаттай зохион байгуулна. Үүнд:    3.1. Эхний  үе  шатанд  сонгон  шалгаруулалтын  материал  хүлээн авах хугацаа дууссаны дараа сонгон шалгаруулалтын зохион байгуулах ажлын хэсэг сонгон шалгаруулалтад оролцохоор материалаа ирүүлсэн нэр дэвшигчдийн материалыг хянан үзэж, бичиг баримтын бүрдэл болон “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ын захирлын албан тушаалд тавигдах тусгай шаардлагыг хангаж байгаа эсэх талаар ирүүлсэн бичиг баримтад тулгуурлан хянан үзэж, санал дүгнэлт гаргана.    3.2. Сонгон шалгаруулалтын зохион байгуулах үүрэг бүхий ажлын хэсгээс шаардлага ханган 2 дугаар үе шатанд тэнцсэн нийт нэр дэвшигчдийг хүлээн авч, “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ыг урт, дунд хугацаанд хөгжүүлэх төлөвлөгөө, зорилго зорилтын талаарх танилцуулга илтгэлтэй танилцан, ярилцлага хийж үнэлгээ өгөх ба хамгийн өндөр үнэлгээ авсан нэг нэр дэвшигчийг ажлын 5 хоногт багтаан сонгон шалгаруулж, санал дүгнэлтийг Төрийн өмчийн бодлого, зохицуулалтын газарт албажуулан хүргүүлнэ.        4. Сонгон шалгаруулалтын материал хүлээн авах хугацаа, хаяг   Сонгон шалгаруулалтад орох иргэний материалыг 2023 оны 09 дүгээр сарын 21-ний өдрийн 17:30 цаг хүртэл хугацаанд molor@pcsp.gov.mn цахим хаягаар болон бичгээр битүүмжилснийг тус тус хүлээн авна.           Анхаарах зүйлс:        1. Хугацаа хоцорсон материалыг хүлээн авахаас татгалзана. 2. Материалын бүрдэл дутуу тохиолдолд сонгон шалгаруулалтын 2 дугаар шатанд оролцох боломжгүй тул хасна. 3. Сонгон шалгаруулалтын шаардлага хангасан иргэнтэй “Уур амьсгалын өөрчлөлтийн судалгаа, хамтын ажиллагааны төв” ТӨҮГ-ын захирлыг сонгон шалгаруулах үүрэг бүхий ажлын хэсгээс холбоо барьж, 2 дугаар үе шатны сонгон шалгаруулалтын хугацааг мэдэгдэнэ.  4. Нэр дэвшигчийн материалыг цахимаар авахаас гадна цаасаар 1 хувь хэвлэн дугтуйнд хийж битүүмжлэн, Төрийн өмчийн бодлого, зохицуулалтын газрын бичиг хэргийн 217 тоот өрөөнд дээрх хугацаанд багтаан ирүүлэхийг анхаарна уу.  5. Нэмэлт мэдээллийг 51-267030 дугаарын утаснаас авна уу.    СОНГОН ШАЛГАРУУЛАЛТЫГ ЗОХИОН БАЙГУУЛАХ АЖЛЫН ХЭСЭГ

Ногоон ажлын байрыг, цэвэр технологи, инноваци, бизнес эрхлэлтийг дэмжих замаар нэмэгдүүлэх нь” төсөл хэрэгжинэ2023-5-27

Дэлхий нийтийн өмнө уур амьсгалын өөрчлөлтийг сааруулах асуудалд онцгой анхаарал хандуулан дэлхийн дулаарлыг Цельсийн 1.5 хэмд хязгаарлах зорилт бүхий Уур амьсгалын өөрчлөлтийн тухай НҮБ-ын суурь конвенц, Парисын хэлэлцээрийг тууштай хэрэгжүүлэх үүрэг хариуцлага тулгарч байна. Тус хэлэлцээрт нэгдэн орсон улс орнууд эдийн засгийн үйл ажиллагаанаас улбаатай хүлэмжийн хийн хэт ялгарлыг бууруулах чиглэлээр тодорхой үүрэг хүлээж байна. Монгол Улс Парисын хэлэлцээрийг 2016 онд соёрхон баталж, тус хэлэлцээрийг дагуу 2020 онд дэлхийн хүлэмжийн хийг бууруулахад өөрсдийн оруулах хувь нэмэр (Nationally Determined Contribution)-ээ баталсан. Энэ баримт бичгийг 5 жил тутам шинэчлэн тодорхойлж, ялгарлыг тооцон, бууруулах чиглэлээр авч хэрэгжүүлсэн арга хэмжээний үр дүнгээ ил тод байдлаар тайлагнаж байх, шинэ тогтолцоонд шилжиж байна.

Ажилд авах зар2023-5-9

Даян дэлхийн ногоон хөгжлийн институт (ДНХИ) нь Уур амьсгалын ногоон сан (УАНС)-ийн Бэлэн байдлыг чадавхжуулах хөтөлбөрийн “Үндэсний тодорхойлсон хувь нэмрийг хэрэгжүүлэх техникийн болон тогтолцооны чадавхыг бэхжүүлэх, уур амьсгалын өөрчлөлтийг орон нутгийн хөгжлийн төлөвлөлтөд тусгах нь” төслийн дамжуулан хэрэгжүүлэгч байгууллага бөгөөд тус төслийг Байгаль орчин, аялал жуулчлалын яам (БОАЖЯ) болон Уур амьсгалын өөрчлөлтийн судалгаа, хамтын ажиллагааны төв (УАӨСХАТ)-тэй хамтран хэрэгжүүлж байна. Дээрх төслийн хүрээнд УАӨСХАТ нь УАНС-тай албан ёсоор харилцах Үндэсний эрх бүхий байгууллага (ҮЭББ)-ын стратеги болон хөгжлийн төлөвлөгөөг боловсруулж, батлуулах ажлыг гүйцэтгэхэд богино хугацааны 3зөвлөх сонгон шалгаруулах тул сонирхсон хувь хүнийг мэдүүлгээ ирүүлэхийг урьж байна. Тавигдах шаардлага: Байгаль орчин, уур амьсгалын өөрчлөлт, санхүүжилт, бодлого төлөвлөлт зэрэг чиглэлээр бакалавр болон ба түүнээс дээш зэрэгтэй; 3ба түүнээс дээш жил дээрх сэдэв, чиглэлээр болон бодлого төлөвлөлт, ногоон санхүүжилт, байгууллагын стартеги болон бизнес төлөвлөгөө хийх зэрэг чиглэлээр ажиллаж байсан ажлын туршлагатай,    Англи хэлний дунд болон дундаас дээш түвшний чадвартай байна. Зөвлөх нь дараах бичиг баримтыг бүрдүүлж битүүмжилсэн байдлаар ирүүлнэ

“Монгол Улсад Үндэсний дасан зохицох төлөвлөлтийн процессийг боловсронгуй болгох чадавхыг бэхжүүлэх” төслийн оролцогч талуудын байр суурийг харгалзах, өргөдөл, гомдол барагдуулах механизм2022-12-9

“Монгол Улсад Үндэсний дасан зохицох төлөвлөлтийн процессийг боловсронгуй болгох чадавх бэхжүүлэх” төсөл нь оролцогч талуудын саналыг харгалзан үзэх, хэрэгцээнд нь нийцсэн байх зарчмыг баримтлан хэрэгжиж байна. 

Төсөл хэрэгжүүлэх нэгжид түр ажиллах зөвлөх шалгаруулан авна2022-5-30

“НҮБУАӨСК-ын хэрэгжилтийн талаарх Үндэсний дөрөвдүгээр тайлан-илтгэл, Хүлэмжийн хийн ялгарал, шингээлтийн нэмэлт хоёрдугаар тайлан боловсруулах арга хэмжээг хэрэгжүүлэх“ төсөл

Зөвлөх үйлчилгээ үзүүлэх хуулийн этгээд сонгон шалгаруулах зарлал2022-5-25

Байгаль орчин, аялал жуулчлалын яам нь “Монгол Улсад Үндэсний Дасан Зохицох Төлөвлөлтийн (ҮДЗТ)  явцын хяналт, үнэлгээний системийг боловсруулах, Монгол Улс дахь  хяналт үнэлгээний  өнөөгийн тогтолцоотой уялдуулан  ҮДЗТ-ийн явцыг хянах, үнэлэх  тогтолцоог бүрдүүлэх, холбогдох төрийн байгууллагын ажилтнуудыг сурган чадавхжуулах” зөвлөх үйлчилгээний гэрээ байгуулах гэж байгаа тул сонирхсон хуулийн этгээдийг дэлгэрэнгүй жагсаалтад орох мэдүүлгээ ирүүлэхийг урьж байна.

Зөвлөх үйлчилгээ үзүүлэх хуулийн этгээд сонгон шалгаруулах зарлал2022-5-25

Байгаль орчин, аялал жуулчлалын яам нь “Дасан зохицох арга хэмжээний  эдийн засаг, экосистем, нийгмийн өртөг-өгөөж зэргийг тусгасан Дасан зохицох хувилбарын үнэлгээний систем (ДЗХҮС)-ийг  бүрдүүлэх” зөвлөх үйлчилгээний гэрээ байгуулах гэж байгаа тул сонирхсон хуулийн этгээдийг дэлгэрэнгүй жагсаалтад орох мэдүүлгээ ирүүлэхийг урьж байна.

Урилга2022-3-30

Байгаль орчин, аялал жуулчлалын яамны харьяа Уур амьсгалын өөрчлөлтийн судалгаа, хамтын ажиллагааны төв, НҮБУАӨСК-ын хэрэгжилтийн талаарх Үндэсний дөрөвдүгээр тайлан-илтгэл, Хүлэмжийн хийн ялгарал, шингээлтийн нэмэлт хоёрдугаар тайлан боловсруулах арга хэмжээг хэрэгжүүлэх төсөл, Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх төсөл, Парисын хэлэлцээрийн хүрээнд Үндэсний хэмжээнд тодорхойлсон хувь нэмрийн хэрэгжилт, мониторингийн ил тод байдлыг сайжруулахад хөдөө аж ахуй, газар ашиглалтын салбарын чадавхыг бэхжүүлэх төслүүдийн хамтран зохион байгуулж буй “Парисын хэлэлцээрийн ил тод байдлын тогтолцоо ба үндэсний тодорхойлсон хувь нэмрийн хүрээнд орон нутгийн мэргэжлийн байгууллагуудын албан хаагчдын уур амьсгалтай холбоотой шийдвэр гаргалтын чадавхыг дээшлүүлэх, сургалт”-ад хүрэлцэн ирэхийг урьж байна.

Уур амьсгалын өөрчлөлтөд дасан зохицох чадавх бэхжүүлэх сургалт болж байна2021-12-9

  Байгаль орчин, аялал жуулчлалын яам, НҮБ-ын Байгаль орчны хөтөлбөр хамтран Уур амьсгалын ногоон сан /Green Climate Fund/-ийн санхүүжилтээр "Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх" /NAP/ төслийг 2019 оноос эхлэн хэрэгжүүлж байна.    

Уур амьсгалын өөрчлөлт, хүлэмжийн хийн тооллогын тухай Монгол Улсын Их Сургуулийн оюутнуудад сургалт зохион байгууллаа2021-11-19

Уур амьсгалын өөрчлөлт, хүлэмжийн хийн тооллогын тухай Монгол Улсын Их Сургуулийн оюутнуудад сургалт зохион байгууллаа. Тус сургалтын үеэр Уур амьсгалын өөрчлөлтийн судалгаа, хамтын ажиллагааны төвийн тухай, уур амьсгалын өөрчлөлтийн шинжлэх ухааны үндэслэл, Монгол улсын уур амьсгалын өөрчлөлтийн өнөөгийн нөхцөл байдал, хүлэмжийн хийн үндэсний тооллогын тухай цаг уур, хүрээлэн буй орчин судлалын оюутнуудад танилцуулж, хэлэлцүүлэг өрнүүлэв.

Уур амьсгалын чиглэлээр ажлын үр дүнг бататгах хурлыг зохион байгуулав2021-11-10

Байгаль орчин, аялал жуулчлалын яам, НҮБ-ын Байгаль орчны хөтөлбөр хамтран Уур амьсгалын ногоон сан /Green Climate Fund/-гийн санхүүжилтээр "Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх" /NAP/ төслийг 2019 оноос эхлэн хэрэгжүүлж байна.  

Уур амьсгалын өөрчлөлтийн асуудлаарх бага хурал эхэлж байна2021-11-1

ГЛАЗГО. /TASS/.  COP26 /26th Conference of the Parties/ буюу Уур амьсгалын тухай НҮБ-ын Суурь Конвенцод нэгдэн орсон улс орнуудын бага хурлын 26 дахь чуулган Шотландын Глазго хотноо эхэлж байна.   Хоёр өдөр үргэлжлэх энэ удаагийн уулзалтад дэлхийн 120 орчим улсын төр, засгийн тэргүүн нар, нийт 200 орчим улсын төлөөлөл оролцоно.   Өмнөх өдрийн орой АНУ-ын Ерөнхийлөгч Жо Байден, Канадын Ерөнхий сайд Жастин Трюдо, Францын Ерөнхийлөгч Эммануэль Макрон, Германы Канцлер Ангела Меркель, Туркийн Ерөнхийлөгч Режеп Тайип Эрдоган болон Хорийн бүлгийн /G20/ бусад удирдагчид дээд хэмжээний уулзалтаа зохион байгуулсан Италийн Ром хотоос Шотландын хамгийн том хотыг зорьсон байна

УАӨ-ийн талаарх НҮБ-ын суурь конвенцэд нэгдсэн Талуудын 26-р Бага хурал болох гэж байна2021-10-28

Уур амьсгалын өөрчлөлтийн асуудал хариуцсан Монгол Улсын тусгай элч Замбын Батжаргалтай Уур амьсгалын өөрчлөлтийн талаарх НҮБ-ын суурь конвенцэд нэгдсэн Талуудын 26 дугаар Бага Хурал (COP26) -д явахын өмнө уулзаж ярилцсанаа цуврал болгон та бүхэнд хүргэж байна

Зөвлөх сонгон шалгаруулах зарлал2021-10-18

Уур амьсгалын өөрёлөлтийн судалгаа, хамтын ажиллагааны төв нь“Уур Амьсгалын Өөрчлөлтийн Судалгаа, Хамтын Ажиллагааны Төв нь НҮБ-ын Ази, Номхон Далайн Эдийн Засаг, Нийгмийн Комисс (UNESCAP)-ын Зүүн болон Зүүн хойд Азийн бүсийн алба (SOENEA), Монгол улс дахь Нэгдсэн Үндэстний Байгууллагатай хамтран “Нүүрстөрөгч багатай, уур амьсгалын өөрчлөлтөд тэсвэртэй хотын хөгжилд шинжлэх ухаан, технологи, инновацыг хөшүүрэг болгох нь” төслийг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хувь хүн холбогдох материалаа ирүүлэхийг хүсье.  


Мэдээний архив

Холбоосууд

Уур амьсгалБайгаль орчинДэлхий дулааралтемпературПарисын хэлэлцээрБидний мэдэхгүй уур амьсгалын өөрчлөлттайланилтгэлЭх дэлхийХүлэмжийн хийУур амьсгалын өөрчлөлтөд дасан зохицох
Мэдээлэл хуулбарлах хориотой. Copyright © 2021 УАӨСХАТөв ТӨААТҮГ