Монгол орны метан хийн ялгарлыг бууруулах үндэсний замын зураглал боловсруулах

Төслийн мэдээлэл:

Төслийн нэр: "Метан хийг бууруулах үндэсний замын зураглал боловсруулах" төсөл

Төслийн дугаар: [24-049-MN-23-001]

Төслийн санхүүжүүлэгч: НҮБ-ын Байгаль орчны хөтөлбөр

Стратегийн зорилтууд: Уур амьсгалын богино хугацааны боxирдуулагчдыг бууруулах

Төслийн хэрэгжүүлэгч байгууллага: Уур амьсгалын өөрчлөлтийн судалгаа хамтын ажиллагааны төв" ТӨААТҮГ

Төслийн хугацаа: 2024-2025

Үндэслэл:

Монгол улс нь 2022 онд COP27 буюу НҮБ-ын Уур амьсгалын өөрчлөлтийн тухай суурь конвенцид нэгдэн орсон талуудын 27 дугаар бага хурлаар "Даян дэлхийн метаны амлалт"-д нэгдсэн. Уур амьсгал ба цэвэр агаар эвсэл буюу CCAC нь Улс орнуудын метан хийг бууруулах замын зураглал боловсруулах аргачлалыг боловсруулан зөвлөмж гаргасан байдаг. Энэхүү төслийн хүрээнд Монгол орны метан хийг бууруулах үндэсний замын зураглалыг дээрх удирдамжийн дагуу боловсруулна.

Төслийн зорилго:

• Метан хийг үр дүнтэй бууруулах стратегийг тодорхойлох, метантай холбоотой бодлого боловсруулахад хамгийн сүүлийн үеийн мэдээлэл, арга техникийг ашиглан метан хийг бууруулах үндэсний замын зураглал боловсруулан батлуулах зорилготой юм.

Төслийн бүрэлдэхүүн хэсгүүд:

Бүрэлдэхүүн хэсэг 1. Монгол орны метан хийн ялгарлтыг бууруулах замын зураглалыг боловсруулах, батлуулах

  • Оролцогч талуудыг оролцуулах замаар нэн тэргүүний арга хэмжээг тодорхойлох;
  • Метан хийн нөлөөллийг бууруулах үнэлгээг боловсруулж, үр дүнг ашиглан метан хийн төлөвлөлтөд шаардлагатай бүх блокуудыг багтаасан олон улсын замын зургийн аргачлалыг ашиглан метан хийн үндэсний замын зураглалыг боловсруулах;
  • Гол яамд, газар, агентлагуудаас замын зураглал, санхүүжилтийн саналыг авахын тулд хамтарсан үнэлгээний семинар зохион байгуулах;
  • Ялгарлын тооллого, нөлөөллийг бууруулах үнэлгээний сургалт семинар зохион байгуулах;

Бүрэлдэхүүн хэсэг 2. Метан хийн ялгарлыг бууруулах чиглэлээр тодорхойлсон эхний 3 арга хэмжээг хэрэгжүүлэх санхүүжилтийн саналыг холбогдох төрийн захиргааны төв байгууллагаар батлуулах

  • Метан хийн нөлөөллийг бууруулах шилдэг 3 арга хэмжээний зорилго, арга зүй, хүлээгдэж буй үр дүн, төсөвт тавигдах шаардлагуудыг тусгасан санхүүжилтийн нарийвчилсан саналын төсөл боловсруулах;
  • Санхүүжилтийн эцсийн саналуудыг нэгтгэж, байгаль орчныг хамгаалах санал, санхүүжилтийн хуваарилалт хариуцсан холбогдох төрийн байгууллага, хэлтэст хүргүүлэх;