1.2.6 Үндэсний зөвлөхийн ажлын даалгавар

1.2.6 Үндэсний зөвлөхийн ажлын даалгавар

ЗОРИЛГО:

НҮБ -ын Байгаль орчны хөтөлбөр нь Монгол Улсын Засгийн газрын хүсэлтийн хариуд “Уур Амьсгалын Ногоон сан”-гийн санхүүжилтээр  "Монгол улсын уур амьсгалын өөрчлөлтөд  дасан зохицох  төлөвлөлтийн процессыг  боловсронгуй болгох үндэсний чадавхыг бэхжүүлэх (NAP)” төслийг хэрэгжүүлж байна. Уур амьсгалын өөрчлөлтөд дасан зохицох төлөвлөлтийн процессыг боловсронгуй болгоход оролцох талуудын институцийн болон техникийн чадавхыг үндэсний ба орон нутгийн хэмжээнд бэхжүүлэхэд төслийн зорилго оршино

Энэхүү төсөл нь уур амьсгалын өөрчлөлтөд дасан зохицох (УАӨДЗ) арга хэмжээнүүдийг уур амьсгалын өөрчлөлтөд өртөмтгий, эдийн засгийн хөгжлийн гол салбаруудын шинэ болон одоо хэрэгжиж буй үндэсний бодлого, стратеги, төлөвлөгөө, хөтөлбөрт нэгтгэх, Монгол Улсын хөгжлийн стратегид УАӨДЗ асуудлыг тусгах олон аргыг хэрэгслийг тодорхойлж, ашиглах юм.

 Уг төслийг хэрэгжүүлснээр уур амьсгалын өөрчлөлтөд өртөмтгий байдал буурч, түүнд дасан зохицох арга хэмжээнүүдийг улс, аймгийн хэмжээний төлөвлөлтөд нэгтгэн оруулна. Үүнд: 

1. Уур амьсгалын өөрчлөлтөд дасан зохицох төлөвлөлтийг улс, аймаг, сумын түвшинд боловсруулан, улмаар тэргүүлэх чиглэлийн арга хэмжээг хэрэгжүүлэх, түүнд хяналт шинжилгээ хийх чадвартай болно.
2. Уур амьсгалын өөрчлөлтөд дасан зохицох төлөвлөлтийг хэрэгжүүлэхэд шаардагдах мэдээ, мэдээллийг боловсруулах, шинэчлэх, солилцох систем бэхэжсэн байна.
3. Монгол Улсын Засгийн газар нь уур амьсгалын өөрчлөлтөд дасан зохицох төлөвлөлтийн дунд болон урт хугацааны санхүүжилтийн стратегийг боловсруулах чадвартай болно.
4. Гол хэрэгжүүлэгч болон оролцогч талууд нь дасан зохицох төлөвлөлтийн үр дүнд хяналт шинжилгээ хийх, түгээх чадвартай болно.

Уур амьсгалын өөрчлөлтөд дасан зохицох төлөвлөлтийн процессыг боловсронгуй болгоход оролцох талуудын институцийн болон техникийн чадавхыг үндэсний ба орон нутгийн хэмжээнд бэхжүүлэхэд төслийн зорилго оршино

Төслийг хэрэгжүүлснээр институцийн зохицуулалтын механизмыг сайжруулж, мэдээлэлтэй шийдвэр гаргах чадавхыг бий болгох ба уур амьсгалын өөрчлөлтөд дасан зохицох нь Монгол Улсын хөгжлийн стратеги, төлөвлөгөөний салшгүй хэсэг болох талаар Засгийн газрын шийдвэр гаргагчдын мэдлэг, ойлголтыг нэмэгдүүлэх юм.

Төсөл хэрэгжүүлэгч нэгж (ТХН) нь  ҮДЗ төлөвлөгөөний арга хэмжээнүүдийг үр дүнд суурилсан төлөвлөгөөний загварт оруулан томьёолох, бодлогын баримт бичгүүдтэй хэрхэн уялдаж буйг тодорхойлох ажлыг гүйцэтгэх үндэсний богино хугацааны зөвлөхийг    сонгон шалгаруулж, хамтран ажиллахаар төлөвлөж байна.

АЖЛЫН ДААЛГАВАР, ҮР ДҮН:

Үндэсний зөвлөх нь ҮДЗ Төлөвлөгөөний арга хэмжээнүүдийг үр дүнд суурилсан төлөвлөгөөний загварт оруулан томьёолох, бодлогын баримт бичгүүдтэй хэрхэн уялдаж буйг тодорхойлох ажлыг гүйцэтгэнэ. Ингэхдээ, ҮДЗ төлөвлөөгөөг боловсруулсан зөвлөх багийн гишүүдтэй уулзалт зохион байгуулан зөвлөлдөж, форматын талаар ЭЗХЯ-ны холбогдох мэргэжилтнүүдийн саналыг тусган ажиллана. Үндэсний зөвлөх нь ажлын үр дүнг чанарын өндөр түвшинд монгол хэлээр бүрэн баримтжуулж боловсруулна.

Дасан зохицох арга хэмжээнүүдийг үр дүнд суурилсан загварт томьёолох,

Дасан зохицох арга хэмжээ тус бүрийг Монгол улсын хөгжлийн урт, дунд хугацааны бодлого төлөвлөгөөтэй хэрхэн уялдаж буйг  тодорхойлох,

ХҮ болон Санхүүгийн чиглэлээр ажиллаж буй дотоодын зөвлөхүүдтэй зөвлөлдөн төлөвлөгөөний шалгуур үзүүлэлтүүдийн томьёолно.

Өргөдөл авах хугацаа: 2023.12.12-ны өдрийн 16 цаг хүртэл

Өргөдлийг nap.mongolia19@gmail.com хаягаар ирүүлнэ үү.

Бүрдүүлэх материал:

1. Ижил төстэй ажил хийж байсныг нотлох товч анкет,
2. Их дээд сургуулийн дипломын хуулбар,
3. Ажил байдлын тодорхойлолт x 2